Delegacionet e Eurovizionit sot në Tivat: RTCG për herë të parë nikoqire e punëtorisë së EBU-së

Përfaqësues të shërbimeve publike televizive dhe të delegacioneve evrovizive mblidhen sot në Tivat, ku RTCG do të jetë për herë të parë nikoqire e punëtorisë vjetore të Eurovizionit (Eurovision Workshop) të Bashkimit Evropian të Transmetimit (EBU).

Në Porto Montenegro do të diskutohet për edicionin e ardhshëm të spektaklit më të madh muzikor televiziv në Evropë — nga rregullat dhe votimi, te prodhimi dhe organizimi.

Por takimi nuk është vetëm për garën e ardhshme: punëtoria është vendi ku profesionistët që e realizojnë drejtpërdrejt Eurosong-un analizojnë edicionin e kaluar dhe hapin pyetjet nga të cilat varet si do të duket konkursi në të ardhmen. Në rend dite janë koncepti dhe rregullat, organizimi, prodhimi dhe logjistika, por edhe sistemi i votimit, transparenca e tij dhe besimi i publikut.

Në fokus janë edhe ndryshimet e mundshme dhe zgjidhjet e reja me të cilat Eurosong-u synon të mbetet format modern e tërheqës televiziv.

Për RTCG-në, nikoqirllëku është më shumë se organizimi i një tjetër tubimi ndërkombëtar: shërbimi publik malazez për herë të parë i pret delegacionet evrovizive në këtë format dhe hyn në rrethin e nikoqirëve të takimit vjetor ku shqyrtohen çështje kyçe për zhvillimin e ardhshëm të Eurosong-ut. Ai vjen në periudhën e bashkëpunimit gjithnjë e më intensiv të RTCG-së me EBU-në dhe mediat evropiane.

Sot, ata që mbledh RTCG-ja në Tivat nuk janë thjesht ndjekës të Eurosong-ut nga publiku, por pjesëmarrës të drejtpërdrejtë në krijimin e tij.

Burimi: RTCG