Dizeli shtrenjtohet me 3 centë nga e hëna — benzina pa ndryshim
Ministria e Energjisë dhe Minierave njoftoi çmimet e reja maksimale të karburanteve, që do të jenë në fuqi nga 15 deri më 21 shtator.
Çmimi i dizelit do të rritet me 3 centë nga e hëna, njoftoi Ministria e Energjisë dhe Minierave e Malit të Zi, ndërsa çmimet e benzinës mbeten të pandryshuara. Një litër dizel do të kushtojë 1,90 euro për shtatë ditët në vazhdim.
Çmimi i benzinës eurosuper 98 do të jetë 1,76 euro për litër, ndërsa eurosuper 95 do të kushtojë 1,72 euro për litër. Edhe nafta për ngrohje, e njohur si lozh-uli, shtrenjtohet me 4 centë, duke shkuar në 1,98 euro për litër.
Sipas njoftimit, llogaritja e çmimeve maksimale të shitjes me pakicë u bë sipas Vendimit për uljen e akcizës për benzinën pa plumb dhe vajrat e gazit, të miratuar në mbledhjen e sotme të Qeverisë së Malit të Zi, si dhe Rregullores për mënyrën e llogaritjes së çmimit maksimal me pakicë të disa llojeve të derivateve të naftës.
Çmimet e reja do të jenë në fuqi nga 15 deri më 21 shtator. Llogaritja e radhës do të bëhet më 21 shtator, me çmimet që do të zbatohen nga 22 shtatori.
Burimi: Vijesti
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.