Dukaj: Nënshkrimi i Mapës së Rrugës, pikë kthese në reformën e vetëqeverisjes lokale

Ministri i Administratës Publike i Malit të Zi, Maraš Dukaj, dhe presidentja e Kongresit të Autoriteteve Lokale dhe Rajonale të Këshillit të Evropës, Gun Marit Helgesen, nënshkruan Mapën e Rrugës për demokracinë lokale dhe rajonale, duke formalizuar vazhdimin e bashkëpunimit për përmirësimin e sistemit të vetëqeverisjes lokale në Mal të Zi.

Harta e Rrugës ka të bëjë me zbatimin e Kartës Evropiane të Vetëqeverisjes Lokale dhe përbën kuadrin për zbatimin e rekomandimeve të Kongresit nga Rekomandimi 506 i vitit 2024. Dokumenti përcakton aktivitete konkrete, bartësit dhe afatet orientuese, me fokus të veçantë te procesi sistemik i decentralizimit, forcimi i autonomisë funksionale dhe financiare të komunave, përmirësimi i sistemit të mbikëqyrjes dhe institucionalizimi i konsultimeve mes pushtetit qendror dhe atij lokal.

“Rekomandimet e Këshillit të Evropës po i kthejmë në zgjidhje sistemike dhe decentralizim gradual — për komuna që janë vërtet shërbim i qytetarëve”, deklaroi Dukaj, duke nënvizuar se në prag të kryesimit të ardhshëm të Malit të Zi të Komitetit të Ministrave të Këshillit të Evropës, “Evropa ndërtohet në nivel lokal”.

Me këtë nënshkrim, Mali i Zi bëhet vendi i gjashtë që nënshkruan Mapën e Rrugës me Kongresin. Nënshkrimi mbyll dialogun pas-monitorues dhe hap një fazë të re bashkëpunimi. Presidentja e Kongresit, Helgesen, theksoi se përparimi në zbatimin e plotë të Kartës do ta mbështesë Malin e Zi edhe në rrugën e integrimit evropian.

Burimi: RTCG