Dy vatra zjarri ende aktive në Dibër e Bulqizë, era favorizon flakët, operacion nga toka për shuarjen!

Dy vatra të reja zjarri janë shfaqur sot (13 gusht) dhe janë aktive në qarkun Dibër, në Selishtë dhe Bulqizë.

Zjarri në zonën e Selishtës ka nisur që në orët e para të mëngjesit dhe vijon të jetë aktiv. Autoritetet thanë se për shuarjen e flakëve janë angazhuar punonjës të bashkive Dibër dhe Bulqizë, Forcat e Armatosura, Policia e Shtetit, strukturat e Emergjencave Civile, si dhe banorë të zonës.

Ndërhyrja po kryhet në kushte të vështira, pasi terreni është i është i vështirë për mjetet zjarrfikëse. Era e fortë po favorizon përhapjen e flakëve, duke e bërë më të vështirë izolimin e vatrave.

Sipas raportimeve të sotme, një tjetër vatër ndodhet në Qafën e Helmes, në Njësinë Administrative Fushë-Bulqizë, pranë kufirit me Selishtën. Për këtë vatër janë angazhuar edhe forcat zjarrfikëse të Bashkisë Bulqizë.

Strukturat në terren vijojnë përpjekjet për të vënë nën kontroll flakët dhe për të parandaluar përhapjen e mëtejshme të zjarrit.