Edhe Klinti Qato qëndron te Vllaznia, mesfushori zyrtarizohet për sezonin e ri

Klinti Qato është lojtari i radhës që qëndron te Vllaznia edhe për një sezon. Mesfushori është zyrtarizuar si pjesë e skuadrës së sezonit 2026-2027 nga klubi shkodran, që “blindon” kështu titullarët.

“Vazhdojmë edhe me Klinti Qaton. Edhe një sezon tjetër do të jemi me futbollistin Klinti Qato në rrugëtimin tonë të përbashkët. Ecim më tej”, – shkruhet në postimin e shkurtër të klubit shkodran në lidhje me rinovimin me Qaton.

Qato është një nga lojtarët më të vlerësuar nga tifozët shkodranë, të cilët e kanë për zemër për grintën që ai manifeston në fushë.

Më parë kuqeblutë kanë rinovuar me portierin Pohls, Çelikoviç, Muratajn, Kallakun dhe Kastratin. Po ashtu, kanë rinovuar trajneri Martini dhe drejtori sportiv Sinani.