Edicioni i gjashtë i Gjirokastra Rocks Festival ndez atmosferën

Fundjava në Gjirokastër është gjallëruar nga organizimi i edicionit të gjashtë të “GJIROKASTRA ROCKS FESTIVAL”. Tashmë ky aktivitet ka fituar një traditë të veçantë ndërsa në skenën artistike të qytetit të gurtë performojnë artistë dhe grupe të muzikës rocks. Pjesmarrës në koncertin e fundjavës ishin: Elita 5,Vedat Ademi,ROOL, e të tjerë duke tërhequr me performoncat muzikore të rinjtë dhe turistët.

“Sot po organizojmë Edicionin e 6-të të Gjirokastra Rocks këtu në Gjirokastër,është vazhdimi i një tradite kulturore të cilën ne po mundohemi ta konsolidojmë në vazhdim duke qenë se po angazhojmë vetëm artistët shqiptarë nga të gjitha trevat, këtë vit kemi 5 grupe muzikore që performojnë”, tha Albert Haloçi, organizator.

“Jemi për herë të parë në Gjirokastra Rocks është emocioni shumë i bukur, shpresoj të përcjellim gjithë energjinë tonë tek njerëzit dhe besoj se do të jetë një natë shumë e bukur”, theksoi Gjergj Kaçinari, këngëtar.

Përgjatë sezonit të verës në Gjirokastrër po organizohen aktivitete kulturore dhe artistike të cilët tërheqin turistët vendas dhe të huaj.