FOKUS – Zelensky: Moska shënjestroi avionin tim gjatë kthimit nga Norvegjia

KIEV, 16 shtator /ATSH -ANSA/ – Presidenti ukrainas Volodymyr Zelensky deklaroi në një intervistë për televizionin amerikan CBS se Rusia ka shënjestruar dy herë avionin presidencial me të cilin ai udhëtonte gjatë javëve të fundit.

“Avioni im presidencial ndodhej në Moldavi dhe për këtë arsye ata sulmuan Moldavinë”, tha Zelensky, duke iu referuar një prej episodeve.

“Kur u kthyem në shtëpi, përsëri përmes Kishinaut, ata bënë të njëjtën gjë”, shtoi presidenti ukrainas.

Sipas Zelenskyt, gjatë kthimit të tij në Ukrainë, një ose dy dronë hynë gjithashtu në hapësirën ajrore moldave. Ky detaj, sipas tij, nuk ishte bërë i ditur më parë.

Incidenti i parë ishte bërë publik më herët nga kryeministri norvegjez Jonas Gahr Støre.

Zelensky nuk dha detaje të mëtejshme mbi llojin e kërcënimit apo mënyrën se si avionët dhe udhëtimet presidenciale ishin shënjestruar.