FOTO+VIDEO -Ja vrasësit e Artan Santos, e ndoqën me motor nëpër Tiranë

–Pamjet filmike të kamerave te sigurisë së bankës “Credins” dhe bizneseve aty pranë kanë regjistruar momentet e vrasjes së biznesmenit dhe bankierit të njohur, Artan Santo. Burimet e policisë thonë se kanë arritur të fiksojnë dy numrat e fundit të targave të fundit të motorit, që janë 09. 
Në foto janë pikërisht dy autorët që qëlluan mizorisht me pistoletë ndaj Artan Santos, plumba që i morën jetën. Ky është momenti kur autorët kanë qenë duke qarkulluar pranë zonës së Librit Universitare në Tiranë, shumë pranë Bankës Credins.

Policia e Kryeqytetit vendosi në dispozicion një shpërblim prej 100 mijë euro, për cdo informacion të vlefshëm që do të cojnë në kapjen e autorëve, në cdo rast duke ruajtur anonimatin telefoni në 069 41 00003.

Sipas policisë të dy persona konsiderohen si vrasës profesionistë me pagesë. Nga burimet mësohet gjithashtu se pas atentatit mbi Santon, një punonjës i policisë rrugore ka tentuar të ndalojë autorët duke qëlluar në drejtim të tyre dhe më pas i ka ndjekur me motor, por ndjekja dështoi pasi motori u prish dhe punonjësi i policisë rrugore u kthye në Tiranë me karrotrec. 

Ka pasur dëshmitarë të shumtë në vendngjarje mes tyre dhe një luleshitëse. 
“Nuk e di, nuk kam parë gjë. Isha me kurriz. Krisma dëgjova, por gjë nuk pashë”, tha ajo për gazetarin e News24. 
Dëshmitare jashte kamerave kanë pohuar se personat e kanë pasur në shënjestër biznesmenin dhe e kanë qëlluar me arme zjarri tip, pistoletë. Ata kanë pritur derisa Santo ka zbritur nga makina për ti qëlluar me armë. 
Pas kësaj autorët janë larguar me shpejtësi nga vendngjarja.