“Frika ime më e madhe janë njerëzit që…”/ Rakacolli: Koronavirusi s’dëmton vetëm mushkritë, por dhe zemrën

Zëvendësministrja e Shëndetësisë, Mira Rakacolli, tha në një lidhje me “Skype” në emisionin Real Story, në News24, se askush nuk e di kur do të marrë fund makthi i krijuar nga përhapja e koronavirusit.

Zv.ministrja theksoi se ka frikë për shqiptarët që po riatdhesohen tani nga jashtë, të cilët sipas saj, duhet patjetër të vetëkarantinohen.

Ajo deklaroi se në rastet e fundit kemi kuptuar që ka ndodhur që dëmton muskulin e zemrës, ka dhënë dëmtime të enëve të gjakut duke dhënë mikrotromboza.

Pjesë nga intervista:

Pse nuk i karantinon qeveria?

Edhe rekomandimet e OBSH janë që ata fare mirë mund të vetëkarantinohen, sepse mbrojnë shëndetin e tyre dhe të të tjerëve. Është në gjë që njerëzit duhet ta kuptojnë. Transmetimi komunitar mund të ndalet vetëm duke respektuar masat e rrepta.

Sot pësoi rritje, kur ju thoni që është e sheshtë…

Nuk mund të gjykosh me numra të vegjël për probleme kaq të mëdha. Përqindja me testimet është pak a shumë ajo. Nëse testohen 140 raste, ato janë të dyshuara. Do vijë një moment kur të gjithë do të shërohen dhe nuk do të ketë më të infektuar.