Domate me oriz është një gjellë dietike dhe e shëndetshme e cila mund të gatuhet për të gjitha stinët. Gatuhet si pjatë e parë dhe ka përbërës të pasur me shumë vlera ushqyese.
Gjellë domate me oriz
Sasia: 4 persona
Kalori: 240kcal
Përbërësit
- 4-5 kokrra domate mesatare
- 600 ml uji ose lëng mishi
- 150 gr oriz
- 2 kokrra qepë
- 1 spec i kuq
- 1 spec jeshil
- vaj ulliri
- kripë
- piper
- kopër
- qepë hollë chives
Përgatitja
-
Fillojmë përgatitjen e gjellës domate me oriz.
-
Pasi kemi larë të gjitha perimet pastrojmë qepët duke i hequr lëvozhgat. Ndërkohë domateve i heqim lëkurën dhe i presim më kubikë.
-
Në një enë me vaj ulliri, hedhim qepën dhe e kaurdisim derisa të zverdhet e më pas shtojmë domatet. Masën e lemë në zjarr të ngadalshëm duke e trazuar për gati 7-8 minuta deri në momentin që mpikset lëngu i domateve.
-
Shtojmë specat e prera në kubikë, lëng mishi ose ujë, kripë dhe e lemë sa të marri valë.
-
Kur shohim që të gjitha perimet janë përzierë dhe kanë marrë valë hedhim orizin duke e lënë në zjarr derisa masa të trashet. Pasi orizi ka zierë hedhim piperin e zi dhe sipas dëshirës, aroma të prera hollë.
-
Gjellën domate me oriz e servirim në pjata sipas dëshirës.
Lexoni gjithashtu recetën për oriz me perime
Ju bëftë mirë
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.