Gjyqi i “Sterilizimit”, Beqaj jashtë kafazit! Shtyhet seanca për kërkesat paraprake

Seanca e radhës në Gjykatën e Posaçme për çështjen e koncesionit të “Sterilizimit” është shtyrë këtë të martë, pasi prokurorët e SPAK kërkuan kohë për të paraqitur kundërshtimet e tyre ndaj kërkesave paraprake të paraqitura nga ish-ministri i Shëndetësisë, Ilir Beqaj.

Në këtë seancë, Beqaj u paraqit jashtë kafazit të sigurisë, ndërsa pritej që procesi të vijonte me shqyrtimin e kërkesave paraprake të mbrojtjes. Megjithatë, përfaqësuesit e akuzës kërkuan më shumë kohë për të përgatitur qëndrimin e tyre lidhur me pretendimet e ngritura nga ish-ministri.