Haradinaj letër kryeministrave të botës: Fund propagandës serbe

Kryeministri i Kosovës, Ramush Haradinaj ka bërë të ditur se u ka dërguar letër kryeministrave të botës për t’ia shpjeguar natyrën e dialogut Kosovë-Serbi.

Përmes rrjetit social Facebook, i pari  i ekzekutivit ka shkruar se me anë të kësaj letre ka sqaruar se dialogu është  mes dy shteteve sovrane dhe për subjekt nuk e ka statusin final të Kosovës, por normalizimin e raporteve Kosovë-Serbi, me njohje reciproke. Haradinaj thotë se Kosova synon t’i jap fund propagandës serbe se statusi dhe territori i Kosovës është ende në tavolinë.

“Kosova e ka përmbyllur shtetësinë e saj më 17 shkurt 2008.”, ka përfunduar Haradinaj.

Statusi i plotë:

Mëngjesin e sotëm, u kam dërguar letër shpjeguese të gjithë kryeministrave të botës, me anë të së cilës u kam shpjeguar natyrën e dialogut Kosovë-Serbi.
Dialogu Kosovë-Serbi është dialog mes dy shteteve sovrane dhe për subjekt nuk e ka statusin final të Kosovës, por normalizimin e raporteve Kosovë-Serbi, me njohje reciproke.
Me atë të këtij sqarimi dhe qëndrimi, synojmë t’i japim fund propagandës serbe se statusi dhe territori i Kosovës është ende në tavolinë.
Kosova e ka përmbyllur shtetësinë e saj më 17 shkurt 2008.
RH