Irani pezullon shitjen e biletave për fluturimet drejt Irakut — SHBA-ja kërcënon me sanksione kompanitë që punojnë me linjat ajrore iraniane

Autoriteti i Aviacionit Civil të Iranit njoftoi se ka pezulluar shitjen e biletave për fluturimet drejt Irakut “deri në një njoftim të dytë”, një ditë pasi pezulloi fluturimet drejt vendit fqinj, raportoi agjencia gjysmë-zyrtare iraniane Tasnim. Vendimi vjen pasi të premten u pezulluan fluturimet drejt Najafit.

Më herët, dy burime i thanë agjencisë Reuters se edhe aeroportet e Erbil-it dhe Sulaimanisë kishin pezulluar fluturimet nga dhe për Iranin, pas pezullimit të mëparshëm të fluturimeve iraniane nga Bagdadi dhe Najafi. Sipas deklaratës së autoritetit, “duke pasur parasysh praninë e pasagjerëve në aeroportet e të dy vendeve, kompanitë ajrore janë udhëzuar të lehtësojnë kthimin e pasagjerëve në vendin e origjinës”.

Paralelisht, SHBA-ja njoftoi se do të vendosë sanksione ndaj çdo kompanie globale që bën biznes me linjat ajrore iraniane, me pretendimin se Teherani po përdor avionët civilë për të transportuar armë te aleatët e saj në rajon.

Pezullimi i fluturimeve po e mbyll gjithnjë e më shumë qiellin rajonal, në një kohë kur lufta SHBA–Iran ka hyrë në muajin e shtatë dhe negociatat për ri-hapjen e Ngushticës së Hormuzit vazhdojnë në margjinat e Asamblesë së Përgjithshme të OKB-së në Nju Jork.

Burimi: Al Jazeera