Ish-ministri i Drejtësisë Andrej Miloviq thirret në Departamentin Special Policor si qytetar

Ish-ministri i Drejtësisë së Malit të Zi, Andrej Miloviq, është thirrur të paraqitet në zyrat e Departamentit Special Policor (SPO) në cilësinë e qytetarit. Lajmin e bëri të ditur vetë Miloviq, i cili e publikoi thirrjen në rrjetin social X.

“Jam thirrur nga SPO, me urdhër të Prokurorisë Speciale të Shtetit, që nesër më 16 shtator 2026 në orën 9:00 të jap informacion në cilësinë e qytetarit”, shkroi Miloviq. Ai shtoi se në thirrje, përveç numrit të lëndës, nuk shkruhet se për cilën lëndë bëhet fjalë, kundër kujt dhe për cilën vepër penale, çka sipas tij është në kundërshtim me dispozitat e Kodit të Procedurës Penale.

Megjithatë, si qytetar i përgjegjshëm, do t’i përgjigjem thirrjes, tha Miloviq, duke njoftuar se pas kësaj do t’u përgjigjet pyetjeve të mediave të interesuara, brenda kufijve që lejojnë normat penale-juridike.

Andrej Miloviq ka qenë ministër i Drejtësisë në qeverinë malazeze dhe është një nga figurat politike që kanë qenë shpesh në qendër të debatit publik për drejtësinë dhe luftën kundër krimit të organizuar.

Burimi: Vijesti