JEMEN – Houthi sulmon me raketa dhe dronë, raportohen të vrarë dhe të plagosur

JEMEN, 6 gusht /ATSH-DPA/- Burime të qeverisë jemenase thanë se të paktën 10 persona janë vrarë dhe pesë të tjerë janë plagosur nga sulmet e milicisë Houthi të mbështetur nga Irani.

Gjithashtu, burimet raportuan një bilanc më të lartë, me rreth 45 viktima dhe të plagosur.

Nuk ka ende një konfirmim zyrtar, ndërsa milicia Houthi pretendon se ka vrarë ose plagosur “qindra” luftëtarë aleatë me Arabinë Saudite dhe se kanë shkatërruar baza ushtarake e depo armësh.

Sulmet u kryen me raketa dhe dronë në provincat Marib dhe Hadhramaut, zona të pasura me naftë dhe prej vitesh të përfshira në konfliktin civil në Jemen.

Qeveria jemenase mbështetet nga Arabia Saudite, ndërsa tensionet me Houthi janë rritur sërish pas sulmeve ajrore në kryeqytetin Sana’a, që kontrollohet nga kjo milici.

Megjithëse një armëpushim jozyrtar ka qenë në fuqi që nga viti 2022, ekziston frika për rikthimin e përshkallëzimit të luftës.

Houthi, kohët e fundit ka sulmuar edhe disa anije saudite ose i kanë detyruar të ndryshojnë kurs. //a.i: