Jusovača në Podgoricë shndërrohet në qendër kreative: rindërtimi mbi 3 milionë euro, gati në shtator 2027
Kompleksi historik i Jusovačës në Podgoricë po merr pamje të re: punimet e restaurimit kanë avancuar ndjeshëm dhe pas përfundimit, me vlerë mbi 3 milionë euro, do t’i dorëzohet Kryeqytetit si hapësirë për programe artistike, kreative dhe publike.
Kompleksi i Jusovačës në Podgoricë, ish-burgu historik i kryeqytetit, po shndërrohet në një qendër kreative. Punimet për rregullimin dhe restaurimin e objektit kanë avancuar ndjeshëm, njoftoi Ministria e Punëve Publike.
Sipas ministrisë, pjesët e objektit që ishin parashikuar për prishje janë hequr plotësisht, ndërsa aktualisht po punohet në përforcimin e themeleve dhe mureve prej guri të rrethimit, duke ruajtur autenticitetin e monumentit historik. Gjithashtu po ndërtohet një pavijon multifunksional, i cili do të shërbejë për programe dhe evente.
Plani parashikon edhe rregullimin e pllajës qendrore, të sheshit dhe të amfiteatrit, si dhe krijimin e hapësirave të dedikuara për punë kreative. Afati i kontratës për përfundimin e plotë të punimeve është shtatori i vitit 2027.
Pasi të përfundojë rindërtimi, me vlerë mbi 3 milionë euro, Jusovača do t’i dorëzohet Kryeqytetit (Glavni grad) për administrim dhe do të funksionojë si hapësirë për programe artistike, kreative dhe publike, deklaroi PR i ministrisë, Anja Ergić.
Burimi: Moj Portal
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.