Kanosi taksistin dhe i vodhi paratë, shoqërohet në polici autori

Një person është shoqëruar nga policia në Tiranë. Mësohet ai këtë të enjte rreth orës 14:30 ka kanosur me mjet prerës drejtuesin e një taksie me të cilën lëvizte në aksin rrugor “Tiranë-Elbasan”.

Ai i ka vjedhur taksistit një shumë parash dhe një varëse. Pas ngjarjes, policia arriti ta lokalizonte dhe ta shoqëronte atë.

“Tiranë/Informacione paraprake. Rreth orës 14:30, një shtetas, dyshohet se duke kanosur me mjet prerës, drejtuesin e taksisë me të cilën lëvizte në aksin rrugor “Tiranë-Elbasan”, i ka vjedhur një shumë parash dhe një varëse.

Si rezultat i reagimit të shpejtë të shërbimeve të Policisë, autori i dyshuar është lokalizuar, neutralizuar dhe po shoqërohet në ambientet e Policisë. Në përfundim të veprimeve procedurale për rastin, do të ketë njoftim të plotë”, njofton policia.