Karta Digjitale e Punës bëhet e detyrueshme nga sot për sektorë të rinj — do të mbulojë 2,5 milionë punonjës

Nga e hëna, 12 tetori, Karta Digjitale e Punës hyn në zbatim të plotë në sektorë të rinj të ekonomisë greke, siç njofton ERT me burim nga agjencia APE-MPE. Masa e bën të detyrueshëm regjistrimi digjital i kohës së punës — mbërritjes dhe largimit — në bizneset e mbuluara, me synimin për të luftuar punën e padeklaruar dhe atë të nënderklaruar.

Në sektorët e rinj që mbulohen nga sot përfshihen shëndetësia (spitalet, qendrat e trajtimit dhe diagnostikimit — përveç mjekëve), telekomunikacionet, shërbimet e mbështetjes për punësimin, sallone bukurie dhe qendrat estetike, pastrimet kimike, si dhe shërbimet e pastrimit të ndërtesave dhe hapësirave të jashtme.

Zgjerimi sjell rreth 500 mijë punonjës të rinj në sistem, duke e çuar mbulimin total në rreth 2,5 milionë, njoftoi ministrja e Punës dhe Sigurimeve Shoqërore Niki Kerameus për APE-MPE-në, duke theksuar se Karta Digjitale e Punës po zgjerohet në gjithnjë e më shumë sektorë të tregut, duke mbrojtur gjysmë milioni punonjës shtesë.

Sipas të dhënave të sistemit Ergani të cituara nga ministrja, në vitin 2025 u deklaruan 2,7 milionë orë shtesë më shumë se në 2024 — me rritje deri në 1.200% në disa sektorë — ndërsa në tetëmujorin e parë të 2026-s u regjistruan rreth 6,8 milionë orë shtesë, 35,5% më shumë se në të njëjtën periudhë të 2025-s.

Faza e dytë e zgjerimit nisë më 16 nëntor, pas një periudhe pilotimi nga 29 qershori deri më 15 nëntor, dhe do të përfshijë shërbimet e konsulencës, reklamat dhe aktivitetet e tjera të zyrave, riparimet, magazinimin dhe aktivitetet mbështetëse të transportit, menaxhimin e ujit dhe mbetjeve, si dhe lojërat e fatit.