Këshillat bashkiakë: PS 392 këshilltarë, LSI 288 këshilltarë, PD 295 këshilltarë

Nga 1595 mandate për këshillat bashkiake, rreth 1030 prej tyre janë fituar nga katër parti, ndërsa 560 të tjerë janë marrë nga partitë e vogla.
Në shkallë kombëtare, Partia Socialiste ka mundur të sigurojë deri tani 392 mandate në 60 këshillat bashkiakë, ku shumica i përket bashkive të mëdha si, Tirana, Korça, Fieri dhe Vlora.
Në vend të dytë renditet Partia Demokratike e opozitës me 295 këshilltarë në të gjithë vendin, ku dominimin më të madh e ka në bashkinë Shkodër.
Lëvizja Socialiste për Integrim renditet e treta me 288 mandate të fituara, ndërsa forcë e katërt është PDIU, qe do të ketë mundësi përfaqësimi me 57 këshilltarë.
Ky rezultat nuk përfshin mandatet që do të dalin pas numërimit të votave në bashkinë e Malësisë së Madhe, ku ende nuk është përmbyllur procesi.

Numri i këshilltarëve të katër partive kryesore eshte: PS ka 392 këshilltare, LSI ka 288 këshilltarë, PD ka 295 këshilltarë, PDIU ka57, etj.