Koronavirusi/ Mazhoranca zbut dënimet në Kodin Penal: 3 vite burg kush shkel karantinën, 5 vite për atë që…

Komisioni i Ligjeve i zhvilluar sot vendosi zbutjen e masave në Kodin Penal të atyre që thyejnë rregullat e karantinës gjatë sëmundjeve infektive.

Më konkretisht në Kodin Penal ishte që kush thyen rregullat e karantinës do të dënohet me 5 vite burg. Ky dënim është zbutur duke e çuar në tre vite burg ose masë administrative siç është gjoba.

Ndërkohë është ulur edhe dënimi për përhapjen e sëmundjeve infektive, nga 10 vjet është bërë 5. Sakaq nëse virusi i shpërndarë dëmton jetën e njeriut apo shkakton vdekje, dënimi për autorët do të vijojë të jetë nga 10 deri në 15 vjet burg.