Kush do ta drejtojë SPAK-un? Tre kandidatët nesër para KLP, intervistimi nis me Altin Dumanin
Këshilli i Lartë i Prokurorisë do të zhvillojë nesër intervistat me tre kandidatët për kryetar të Strukturës së Posaçme (SPAK).
Procesi i intervistimit me audio dhe video do të nisë në orën 09:30 me Altin Dumanin, për të vijuar më tej me Arben Krajën dhe Edvin Kondilin. Intervistat do të zgjasin 30-45 minuta për secilin kandidat.
NJOFTIMI I KLP:
Këshilli i Lartë i Prokurorisë, në vijim të procesit të vlerësimit të kandidatëve për Drejtues të Prokurorisë së Posaçme kundër Korrupsionit dhe Krimit të Organizuar. (SPAK), njofton se në datën 18.12.2019, në Sallën e mbledhjeve, Këshilli i Lartë Gjyqësor, Blvd. “Zogu i I”, do të zhvillohen intervistat me të tre kandidatët në garë. Intervistat me kandidatët do të regjistrohen me audio dhe video dhe do te zgjasi 30-45 minuta për secilin kandidat.
Orari i zhvillimit të intervistave do të jetë si më poshtë:
- Altin Dumani 09:30
- Arben Kraja 10:15
- Edvin Kondili 11:00
Këshilli kërkon nga kandidatët të marrin masa për t’u paraqitur pranë Këshillit të Lartë të Prokurorisë në datën dhe orën e njoftuar.
Kandidatët do të njoftohen nominalisht dhe në adresën e postës elektronike që ata kanë deklaruar në momentin e aplikimit.
KËSHILLI I LARTË I PROKURORISË
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.