Laketiq arrestohet në Podgoricë me dyshimin se ndihmoi autorët e vrasjes në Beograd: i transportoi nga Podgorica në Kotorr

Policia e Podgoricës ka arrestuar shtetasin malazez Danilo Laketiq (23), me dyshimin se ndihmoi Danilo Džekuliqin dhe Nikolas Kovaqin nga Serbia, të dyshuar për vrasjen e Darko Veskoviqit në Beograd.

Sipas policisë, Laketiq dyshohet se i transportoi me makinë dy të dyshuarit nga Podgorica në Kotorr, duke u mundësuar atyre të mbeten të paarritshëm për organet shtetërore pas krimit.

Drejtoria e Policisë bëri të ditur se Laketiq është personi i pestë i identifikuar si “hallkë në zinxhirin e mbështetjes së strukturave kriminale” në këtë rast — më herët ishin arrestuar tre persona nga Rozhaja dhe një shtetas rus, gjithashtu të dyshuar për ndihmë ndaj Džekuliqit dhe Kovaqit.

Laketiq do të shoqërohet me kallëzim penal në Prokurorinë Themelore Shtetërore në Podgoricë për veprën penale “ndihmë autorit pas kryerjes së veprës penale”.

Burimi: Vijesti