Lautaro kthehet dhe motivon Interin: Viti i nëntë, e njëjta uri

Lautaro është rikthyer në dispozicion të Interit pas pushimit të pas-Botërorit dhe mesazhi i tij në rrjetet sociale tregon qartë dëshirën e madhe për të luajtur një rol kyç në sezonin e ardhshëm:

“I lumtur që jam rikthyer. Po nis vitin tim të nëntë me të njëjtin pasion dhe ambicie si gjithmonë. Forza Inter.”

Argjentinasi do t’i bashkohet pjesës tjetër të skuadrës para ndeshjes së fundit miqësore të verës kundër Real Betisit, përpara fillimit të sezonit të Serisë A kundër Monzës.