Letonia forcon sigurinë në kufirin me Bjellorusinë

Kryeministri i Letonisë, Andris Kulbergs, njoftoi të martën nisjen e një operacioni të ri sigurie, të koduar “Vilkatis”, që synon forcimin e kontrolleve kufitare dhe rritjen e bashkëpunimit mes strukturave të sigurisë.

Operacioni vjen në një kohë kur Letonia po përballet me shtim të kalimeve të paligjshme nga Bjellorusia. Vetëm të martën, rojet kufitare ndaluan 15 persona që dyshohet se kishin kaluar kufirin përmes një tuneli nëntokësor.

Në kuadër të operacionit do të rritet angazhimi i forcave të armatosura në mbështetje të rojeve kufitare, përfshirë personel dhe mjete logjistike shtesë. Autoritetet do të përdorin gjithashtu më shumë dronë, helikopterë dhe avionë për monitorimin e kufirit.

Kontrollet e automjeteve do të shtohen në rrugët pranë kufirit lindor, ndërsa Letonia synon të forcojë bashkëpunimin me Estoninë, Lituaninë dhe Poloninë për të frenuar kalimet e paligjshme dhe lëvizjet e mëtejshme të migrantëve.