Macklemore dhuron 1 milion dollarë si ndihmë humanitare për palestinezët

– Reperi amerikan Macklemore ka njoftuar se do të dhurojë të gjithë shumën prej 1 milion dollarësh, të ardhura neto nga pjesëmarrja e tij në turneun e Ed Sheeran, “Loop Tour”, për organizata që ofrojnë ndihmë humanitare për palestinezët, sipas “Reuter”,

Sipas medieve ndërkombëtare, fondet do t’u jepen gjashtë organizatave: “Palestine Children’s Relief Fund” (PCRF), “HEAL Palestine”, “Gaza Soup Kitchen”, “Medical Aid for Palestinians”, UNRWA USA dhe “American Near East Refugee Aid” (Anera).

Macklemore e bëri njoftimin më 16 shtator, pas largimit të tij nga pjesa e mbetur e turneut të Ed Sheeran, pas deklaratave të tij publike në mbështetje të palestinezëve dhe lidhur me situatën në Gaza.

Reperi u bëri gjithashtu thirrje biznesmenit amerikan, Robert Kraft, pronarit të stadiumit “Gillette” dhe ekipit “New England Patriots”, të dhuronin një shumë të barabartë me donacionin e tij.

Kraft deklaroi më pas se, me kërkesë të Ed Sheeran, do të ofronte 2 milionë dollarë ndihma humanitare për rajonin. /