Kryeministri Edi Rama, përmes një video, sqaron se si po punohet për akreditimin e automjeteve për ata që kanë një biznes dhe ende pyesin si se duhet bërë akreditimi për të lëvizur në qytet me mjetet e tyre.
“Një videoinformacion i thjeshtë nga salla operative e ngritur që dje, për të gjithë ata që kanë një biznes prodhues dhe akoma pyesin se si duhet të veprojnë për të siguruar qarkullimin e punonjësve të tyre apo për t’u sqaruar mbi e-mailin e dërguar në adresën policiarrugore@asp.gov.al numrat e telefonit: 0694122223, 0694122224”,- thekson Rama.
Bizneset që duan të akreditojnë punonjësit e tyre duhet që përmes adresës së emailit policiarrugore@asp.gov.al të dërgojnë emrin e drejtuesit të mjetit, të dhënat e mjetit dhe orarin e qarkullimit dhe qëllimin e qarkullimit. Gjithashtu duhet që akreditimin ta ketë të printuar dhe vendosur në xhamin e përparmë të makinës.
Qeveria në kuadër të masave të marra për parandalimin e përhapjes së koronavirusit të ri, ka vendosur dhe minimizimin e qarkullimit me mjete, duke lejuar vetëm ato të transportit të mallrave dhe biznesit prodhues.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.