Mbappé intensifikon fushatën për “Topin e Artë”: Më kanë parë si të përzgjedhurin, memet e diktatorit zbavitëse, por s’kam vrarë askënd!

Edhe pse u kritikua kur nisi që të bënte fushatë për vetveten Kylian Mbappé nuk ndalet duke treguar se kërkon me të gjitha kushtet të shpallet fitues i “Topit të Artë”. Ditën e sotme “L’Equipe” ka publikuar një videu ku kishte intervistuar sulmuesin e Real-it, i cili ka treguar arsyen përse duhet ta fitojë ai çmimin këtë vit.

“Përse unë” – “Shumë kanë thënë se nuk e meritoj ‘Topin e Artë’ sepse nuk kam fituar asgjë, por ky trofe është një vlerësim individual. Kam shënuar më shumë gola në Kupën e Botës. Unë jam më i miri, jam parë gjithmonë si ‘i përzgjedhuri’”.

“Jo dosido” – “Koncepti im për ‘Topin e Artë’ është krijuar gjatë epokës së Messi-t dhe Ronald-s. Ai çmim nuk u dorëzohet lojtarëve dosido. Unë mendoj se ai është një vlerësim për lojtarët e veçantë, unë jam i tillë”.

Meme e “Kylian diktator“ – “Ajo meme është zbavitëse, disa e përdorin thjesht për argëtim. Por ekziston edhe ana që nuk është edhe aq për të të qeshur, pasi të gjithë e dimë dëmin që i kanë sjellë shoqërisë diktatorët. Unë as nuk kam dhunuar dhe as nuk kam vrarë askënd”.

PSG, Dembele dhe ego.. – “Në vitin e fundit kur luajta për PSG-në më duhet të them se përveç meje ai ekip nuk kishte asnjë yll tjetër. Ousmane u kthye në të tillë një vit më vonë. Njerëzit gjithmonë ngatërrojnë egon me talentin. Kam parë lojtarë, të cilëve askush nuk u kërkon autograf, por që kanë ego të madhe”. A.V.