Me veshje të ndryshme popullore/ Prezantimi i veçantë i Anxhela Peristerit për “Eurosong 2021”

26 February 2021, 15:33 · 1 min lexim

Këngëtarja, Anxhela Peristeri do të përfaqësojë Shqipërinë në Eurovizion këtë vit.

“Karma” titullohet kënga me të cilën këngëtarja fitoi festivalin e fundvitit në Rtsh, duke u bërë përfaqësuara e vendit për Eurovision 2021. Së fundmi, ajo postoi një fotosesion me veshje popullore nga gjithë trevat e Shqipërisë, për t’u prezantuar në festivalin europian të këngës. Veshja dardhare, arbëreshe, tironse janë disa nga zgjedhjet e saj.

Jemi mësuar të shohim artistët, me elementë tradicionalë për të prezantuar më së miri Shqipërinë. Por në këto foto, Anxhelës rrëmbeu vëmendjen me paraqitjen e saj dhe duket se veshjet popullore i shkojnë shumë. Ndiqni foto galerinë dhe zgjidhni ju cila veshje i shkon më shumë.