Meta nuk harron Dvoranin, publikon spotin e dytë “përvëlues”: Ja manipulimet e “prestigjatorit”

Presidenti Ilir Meta ka publikuar sot spotin e dytë lidhur me akuzat që ai i drejton kreut të KED, Ardian Dvorani.

“Në vijim të spotit të parë, sot autorizova publikimin e spotit të dytë zyrtar në mbrojtje të Kushtetutës dhe integritetit të Gjykatës Kushtetuese.

Disa nga pyetjet që lidhen me spotin e parë, marrin një sqarim shterues përmes këtij spoti të dytë që po ndaj me ju”, shkruan Meta.

“Dvorani nuk ndjek rrugën e Kushtetutës, por rrugën e partisë. Nuk janë publikuar në kundërshtim me ligjin 32 mbledhje. Partia e mbajti 6 vjet në detyrë përtej mandatit kushtetues 9-vjeçar”, janë këto disa mesazhet që Meta përcjell në video.

Kujtojmë se më herët presidenti Meta ngriti dhe padi ndaj kreut të KED me akuzën për shpërdorim detyre, ndërsa ky i fundit u thirr edhe nga Prokuroria për të dëshmuar.