Mucunski në takim me Saar, nënshkruajnë dy dokumente për thellimin e bashkëpunimit mes Maqedonisë dhe Izraelit

Ministri i Punëve të Jashtme dhe Tregtisë së Jashtme, Timço Mucunski, në kuadër të vizitës në Izrael, realizoi takim me kolegun e tij izraelit, ministrin e Punëve të Jashtme, Gideon Saar, në të cilën janë konfirmuar marrëdhëniet e mira dypalëshe dhe përcaktimi i përbashkët për thellimin e tyre të mëtejshëm.

Siç njoftoi Ministria e Punëve të Jashtme dhe Tregtisë së Jashtme, dy ministrat kanë biseduar për mundësitë për përparimin e bashkëpunimit në të gjitha fushat me interes të përbashkët, me theks në ekonomi, mbrojtje, sajber-siguri, shëndetësi, bujqësi dhe turizëm.

Sipas Mucunskit, vizita paraqet mundësi që marrëdhëniet e mira politike mes dy vendeve të shndërrohen në bashkëpunim më konkret dhe më dinamik.

Në kuadër të vizitës janë nënshkruar edhe dy dokumente dypalëshe – Programi për bashkëpunim në fushën e arsimit, shkencës, kulturës, rinisë dhe sportit për periudhën 2026-2029 dhe Memorandum mirëkuptimit për konsulta ekonomike dypalëshe mes ministrive të jashtme të të dyja vendeve.