NAFTË MË E SHTRENJTË NË MAL TË ZI, EURODIZELI RRITET ME 3 CENTË

_{Foto: Ilustrim}

Çmimi i Eurodizelit në Mal të Zi nga sot është rritur me tre centë, ndërsa çmimi i benzinës ka mbetur i pandryshuar për shtatë ditët e ardhshme, njoftoi Ministria e Energjisë dhe Minierave.

Uljes së akcizave për benzinën dhe dizelin me 30 për qind i atribuohet zbutja e rritjes së çmimeve të derivateve të naftës.

Eurosuper 98 kushton 1.76 euro për litër, ndërsa Eurosuper 95 është 1.72 euro.

Çmimi i Eurodizelit është rritur në 1.90 euro, ndërsa nafta për ngrohje do të shtrenjtohet me katër centë, në 1.98 euro për litër.

Llogaritja e radhës do të bëhet më 21 shtator, ndërsa çmimet e reja do të vlejnë nga 22 shtatori.