Nasim Haradinaj nga protesta: I ftojmë nga kryeministri deri te kryeparlamentari të vijnë e të japin përgjigje

Nasim Haradinaj ka bërë thirrje për përgjegjësi dhe sqarime nga udhëheqësit institucionalë, duke kërkuar që ata të dalin përpara protestuesve dhe të shpjegojnë veprimet e tyre.

Haradinaj tha se qëllimi i protestuesve nuk është të shtyjnë apo të përplasen me askënd, por të marrin përgjigje nga përfaqësuesit që kanë marrë besimin e qytetarëve.

“Se kemi në plan me bo problem këtu. Na i ftojmë nga kryeministri deri te kryeparlamentari që i kemi dhënë besim të vijnë e të na japin përgjigje se çka po bëjnë. Kurrkush s’e ka në mend me shty askënd”, ka thënë Haradinaj.

Sipas tij, kërkesa kryesore e protestuesve është që udhëheqësit të jenë të pranishëm dhe të japin sqarime lidhur me veprimet e tyre.

“Kërkesa e protestuesve është që të vijnë udhëheqësit e të na tregojnë se çka po bëjmë”, është shprehur ai.

Haradinaj gjithashtu u ka bërë thirrje qytetarëve që të kërkojnë llogari nga deputetët për të cilët kanë votuar, duke theksuar përgjegjësinë e përfaqësuesve politikë ndaj votuesve.

“Secili në secilën parti që ka votu, le ta lypë deputetin e vet dhe të kërkon llogari”, ka deklaruar Haradinaj. /Telegrafi/