Ndahet nga jeta Andreas Vgeniopoulos, pronari i spitalit “Hygeia”

Vgeniopoulos ishte pronar i shumë bizneseve, si edhe i spitalit “Hygea” në Shqipëri.

Biznesmeni grek zotëronte Bankën Popullore Marfin në Greqi, një kompani tragetesh, si edhe shumë biznese në fushën ushqimore.

Ai ka qenë madje edhe zotëruesi i kompanisë ajrore “Olympyc”, të cilën e shiti më pas te rivalët e tij. Pas krizës ekonomike, ai ndryshoi edhe emrin e bankës, duke e bërë “Banka Popullore e Qipros”. Vgeniopoulos ka qenë edhe aksioner në skuadrën e futbollit Panathinakios.

Njoftimi i Bordit të Drejtorëve të Marfin Investment Group 

“Të dashur kolegë, Me pikëllim te thellë Bordi i Drejtorëve të Marfin Investment Group u informua për largimin nga jeta të themeluesit të grupit Andreas Vgenopoulos, si pasojë e një arresti kardiak. Andreas Vgenopoulos, lindi ne Athinë më 1953, mbaroi studimet në Fakultetin e Drejtësisë në Athinë dhe ishte themeluesi i Studios Ligjore “Vgenopoulos and Associates”.

Prej vitit 1998 u angazhua në fushën e investimeve dhe bankave duke krijuar grupin më të madh të biznesit në Greqi. Andreas Vgenopoulous, ishte atletë i shquar në sportin e Skermës, Kampion i Greqisë i dekoruar nga kompeticione internacionale dhe anëtar i delegacionit grek në Lojërat Olimpike të Mynihut ne vitin 1972. Duke respektuar dëshirën e familjarëve, funerali do të realizohet në rreth të ngushtë familjar”.