Nesër sërish protestë para Parlamentit në orën 10:00

Protestuesit kanë njoftuar këtë të mërkurë se nesër do të zhvillojnë edhe një protestë tjetër para Parlamentit. Protesta do të nisë në orën 10:00 ku do të mbahet seanca plenare.

Të martën u zhvillua një protestë para Parlamentit ku u regjistruan disa incidente. Situata u tensionua ku pati përplasje fizike dhe hedhje të mjeteve piroteknike.

Punonjësit e policisë arrestuan disa persona për shkak të këtyre incidenteve. Gjithashtu protestuesit hodhën akuza dhe bënë thirrje kundër deputetëve. Ata hodhën edhe vezë në drejtim të mjeteve të tyre.

Ndërkohë këtë të mërkurë aktivistë, qytetarë dhe studentë shihen me flamuj të Shqipërisë në duar teksa brohorasin thirrjet e tyre kundër qeverisë dhe për dorëheqjen e kryeministrit Edi Rama. Ata vijojnë protestën në ditën e 32-të të saj.