Ngjarje e rëndë në Jalë: Humb jetën turistja 32-vjeçare nga Londra. Dyshimet e para…

Një ngjarje e rëndë ka ndodhur në fshatin bregdetar të Jalës në Himarë, ku një shtetase 32-vjeçare me iniciale I. R., e lindur në Londër, ka ndërruar jetë pas një përkeqësimi të papritur të gjendjes së saj shëndetësore. Reagimi ka qenë i menjëhershëm nga stafi i hotelit ku ajo po qëndronte i akomoduar, pasi 32-vjeçarja kishte kërkuar ndihmë pranë recepsionit për shkak të shqetësimeve fizike.

Pavarësisht transportimit të menjëhershëm drejt Qendrës Shëndetësore dhe ndihmës mjekësore të dhënë nga ekipi spitalor, e reja nuk ka mundur të mbijetojë. Nga verifikimet e para mjekësore dyshohet se bëhet fjalë për një vdekje natyrale, pasi viktima kishte një historik të mëparshëm me probleme me frymëmarrjen dhe diabetin.

Grupi hetimor, nën drejtimin e Prokurorisë, ka nisur veprimet procedurale në vendngjarje dhe po vijon verifikimet e nevojshme ligjore e mjeko-ligjore për të përcaktuar me saktësi të plotë shkakun e vdekjes së 32-vjeçares.

Jalë, Himarë/Informacion paraprak

Më datë 21.09.2026, rreth orës 18:40, është marrë njoftim se shtetasja I. R., 32 vjeçe, lindur në Londër, Mbretëria e Bashkuar, e cila ishte akomoduar në një hotel në Jalë, kishte shfaqur probleme shëndetësore dhe kishte kërkuar ndihmë te recepsioni i hotelit.

Stafi i hotelit e ka transportuar menjëherë drejt Qendrës Shëndetësore, ku, pavarësisht ndihmës së dhënë, 32-vjeçarja ka ndërruar jetë.

Paraprakisht dyshohet vdekje natyrale, pasi nga verifikimet paraprake të mjekëve rezultoi se kjo shtetase kishte pasur probleme shëndetësore, konkretisht probleme me frymëmarrjen dhe diabetin.

Grupi hetimor, nën drejtimin e Prokurorisë, po kryen veprimet procedurale dhe vijojnë verifikimet për përcaktimin e plotë të shkakut të vdekjes.