Nik Camaj priti në vizitë lamtumire ambasadorin e Ukrainës Herasimenko: bashkëpunimi parlamentar do të vazhdojë të thellohet

Nënkryetari i Kuvendit të Malit të Zi, Nik Camaj, priti në një takim lamtumire ambasadorin e Ukrainës në Podgoricë, Oleg Herasimenko, me rastin e përfundimit të misionit të tij diplomatik në Mal të Zi.

Camaj e falënderoi ambasadorin për angazhimin dhe kontributin e tij në avancimin e marrëdhënieve miqësore mes Malit të Zi dhe Ukrainës, duke theksuar se bashkëpunimi parlamentar dhe mbështetja e ndërsjellë do të vazhdojnë të thellohen edhe në të ardhmen.

Në takim u bisedua për marrëdhëniet aktuale mes dy vendeve, çështjet e interesit të përbashkët, si dhe rëndësinë e vazhdimit të bashkëpunimit parlamentar, thuhet në njoftimin e Kuvendit.

Nënkryetari i Kuvendit i uroi ambasadorit Herasimenko sukses në angazhimin e mëtejshëm profesional dhe personal, duke theksuar se Ukraina është e privilegjuar që ka përfaqësues kaq të shquar në Mal të Zi.

Burimi: RTCG