Norvegjia, Haaland: Anglia është favorite, por…

“Ata janë favoritët, prandaj ju lutem ushtroni presion mbi Anglinë…” Erling Haaland nuk ka vetëm një nuhatje për golin, por edhe një strategji taktike. Në prag të çerekfinales së Kupës së Botës 2026, sulmuesi norvegjez u përpoq të ulte pritshmëritë ndaj skuadës së vendit të tij, duke pranuar se për të ndeshja kundër ekipit të Tuchel është një “ndeshje vërtet e veçantë”.

“Mendoj se ka disa favoritë të padiskutueshëm, dhe Anglia është një prej tyre”, tha Haaland për mediat. “Mendoj se duhet të ushtroni sa më shumë presion të jetë e mundur mbi ekipin anglez. Të jesh në çerekfinale kundër tyre, sinqerisht, nuk e prisja. Për të qenë i sinqertë, fakti që kemi arritur deri këtu më habit”.

Sulmuesi norvegjez, i lindur në Leeds kur babai i tij luante për United, iu referua festimeve të tifozëve në Oslo pas fitores ndaj Brazilit. “Të luaje kundër Brazilit ishte paksa e çmendur për ne norvegjezët. T’i mposhtësh ata dhe pastaj të luash kundër Anglisë në çerekfinale është vërtet e veçantë, shikoni skenat në Norvegji dhe do ta kuptoni se kjo nuk është aspak normale për ne”.

Haaland më në fund foli për popullaritetin e tij në SHBA, i cili është rritur jo vetëm për golat e tij, por edhe pasi u fotografua në Dallas duke blerë çizme dhe kapele kauboj, videoja e tij në YouTube ka fituar mbi gjashtë milionë shikime vetëm në pak ditë. “Është një gjë e mirë, sepse më pëlqejnë amerikanët. Janë të mirë, më pëlqen sjellja e tyre”.