“Nuk kam ndërhyrë për favorizimin e Shatkut”, Meta në GJKKO: Tom Doshi u takua në Vjenë me McGonigal, i pranishëm edh

Para togave të zeza në Gjykatën e Posaçme, ish-presidenti Ilir Meta mohon prerazi akuzat se ka fovorizuar biznesmenin Adrian Shatku për futjen në tregun e fibrave optike si dhe lidhjen e marrëveshjes së interkonjeksionit midis kompanisë “UNIFI Communication INC” dhe një kompanie telefonike celulare në Shqipëri.

Ilir Meta: Unë jam rrëmbyer më 21 tetor 2024 vetëm në bazë të një letërporosie të falsifikuar nga Departamenti i Shtetit.

Nuk ka pasur lidhje me GSIS.

Kur iku regjimi i Charles McGonigal nga pushteti. E përmend se është i përfshirë në hetimet ndaj meje dhe kjo provohet nga gjykata amerikane, ku verifikohet takimi i paligjshëm me Edi Ramën, kur ai ka marrë 80 mijë dollarë. Hynte pastaj nga Kosova, ku edhe atje vinte gjoba.

Para se të takonte Ramën, ka qenë në Vjenë dhe është takuar me Tom Doshin. Atje ka të dhëna se ka qenë edhe Durim Bami.

Tom Doshi është i lidhur me çështjen CEZ-DIA.

Qëllimi ishte, para zgjedhjeve, që të rrëmbeheshin 86 mandate.

Është absurde që të ndërhyja për Ardian Shatkun. Por nëse do të kisha pasur një dijeni apo ndërgjegjësim se çfarë donte të bënte Ardian Shatku, ai ka kërkuar heqjen e monopolit dhe vendosjen e një shërbimi në interes të të gjithëve, ku të futeshin të gjithë. Po ta dija, do të inicoja një ndryshim ligji dhe nuk kishte nevojë të merresha me Haxhinaston apo me Ermal Stopallin.

Unë kam qenë dhe jam kundër monopoleve dhe këtë gjë do ta kisha zgjidhur me ligj në Parlament.

Nuk kam pasur asnjë lloj dijenieje apo interesi për këtë gjë.

Gjithçka bëhet për ta mbajtur shtypin me gënjeshtra.