OKB e alarmuar nga veprimet ushtarake të Izraelit në Liban: Nevojitet një deeskalim urgjent

Kombet e Bashkuara këtë të enjte deklaroi se janë thellësisht të alarmuara nga ndikimi i veprimeve ushtarake në rritje të Izraelit në Liban, pasi autoritetet libaneze raportuan dhjetëra vdekje, përfshirë fëmijë.

“Jemi thellësisht të alarmuar nga ndikimi shkatërrues i intensifikimit të operacioneve ushtarake izraelite dhe urdhrave të zhvendosjes së popullsisë. Nevojitet një deeskalim urgjent”, postoi Zyra Rajonale e të Drejtave të Njeriut e OKB-së për Lindjen e Mesme dhe Afrikën e Veriut në X.

OKB-ja tha gjithashtu se informacionet paraprake tregojnë se shumë civilë të vrarë, përfshirë gra dhe fëmijë, janë midis viktimave të sulmeve të fundit izraelite. Ajo bëri thirrje që civilët dhe infrastruktura civile të mbrohen.

Deklarata erdhi ndërsa ministria e shëndetësisë e Libanit tha se sulmet izraelite vranë të paktën 34 persona dhe plagosën 77 të tjerë të mërkurën, në një nga ditët më vdekjeprurëse që nga fillimi i armëpushimit në vend në prill.