OSHEE: Ja pse një pjesë e Tiranës ndodhet në errësirë, kërkojmë ndjesë
Operatori i Shpërndarjes së Energjisë Elektrike ka sqaruar arsyet e mungesës së rrymës në disa zona të Tiranës prej orës 20:00 të mbrëmjes së sotme. Gjithcka e ka zanafillën në zhvendosjen e Nënstacionit Qendër, ku për pasojë kanë pësuar avari fiderat që lidhen me nënstacionin e Selitës.
OSHEE thotë përmes një njoftimi zyrtar se grupet e punës në terren janë duke kryer manovra për të rregulluar defektin, arsye kjo pse ka pasur edhe luhatje të shpeshta të tensionit.
Duke kërkuar ndjesë dhe mirëkuptimin e qytetarëve, OSHEE thotë se po e menaxhon me përparësi situatën për të furnizuar me energji zonat që janë në errësirë prej disa orësh.
Ky është njoftimi i plotë i OSHEE:
Kater fidra qe lidhen me Nenstacionin e Selites, kane pesuar avari per shkak te mbingarkeses, si pasoje e daljes jashte funksioni te Nenstacionit Qender, i cili keto dite po zhvendoset.
Mosfunksionimi perkohesisht i Nenstacionit Qender, ka shkaktuar avari te fidrat e Selites, tashme te mbingarkuar, edhe per shkak te uljes se temperaturave.
Brigadat e OSHEE jane ne terren dhe po kryejne manovrime per rregullimin e defektit, te ndodhur rreth ores 20.00
Nje pjese e zonave qe furnizohen nga keto fidra kane mare energji elektrike.
OSHEE po e ndjek me perparesi situaten, duke kerkuar ndjese dhe mirekuptim.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.