Pagat e magjistrateve, kallëzohet në SPAK ministri i financave Petrit Malaj

Shoqatat e gjyqtarëve dhe prokurorëve kanë kallëzuar në SPAK ministrin e Financave, Petrit Malaj, sekretarin e përgjithshëm të kësaj ministrie, si dhe drejtuesit e degëve të Thesarit në rrethe.

Kallëzimi lidhet me çështjen e pagave të magjistratëve ku pretendohet moszbatimi i vendimeve gjyqësore që lidhen me trajtimin e tyre financiar.

Sipas shoqatave personat e kallëzuar dyshohen për kryerjen e veprave penale të “Shpërdorimit të detyrës”, “Pengimit për ekzekutimin e vendimeve të gjykatës” dhe “Mosekzekutimit pa shkaqe të përligjura të vendimit të gjykatës”.