Partizani mbyll Ligën e Kampionëve me humbje në Berlin: Fikse fiton 40:33, bardhezinjtë kalojnë në Ligën e Evropës

Hendbollistët e Partizanit e mbyllën pjesëmarrjen në fazën e grupeve të Ligës së Kampionëve me humbje 33:40 nga Fikse Berlini në sallën “Max-Schmeling” të kryeqytetit gjerman, në xhiron e fundit të grupit, siç njofton Sportklub.

Bardhezinjtë e trajnerit Raul Gonzalez luajtën pjesën e parë më të mirë në këtë edicion të garës elitare: iu përgjigjën me guxim favoritit dhe shkuan në pushim me epërsi 18:17. Por në pjesën e dytë Berlini rriti ritmin në të dy drejtimet, pesëmbëdhjetë minuta para fundit arriti në 27:23 dhe e mbylli ndeshjen pa vështirësi.

Më efikasi te vendasit ishte Matias Gidsel me 12 gola, ndërsa Tim Frajhofer shtoi 11. Te Partizani u dalluan Tobias Vagner dhe Lazar Angjellkoviq me nga gjashtë gola, ndersa Joav Lumbroso, Nikola Crnogllavac dhe Millosh Kos shënuan nga katër.

Me vetëm një pikë nga gjashtë ndeshje, Partizani e përfundon aventurën në Ligën e Kampionëve dhe sezonin evropian e vazhdon në fazën nokaut të Ligës së Evropës së EHF-së, ku garimi rifillon në shkurt. Berlini, nënkampion i Evropës, kalon në raundin kryesor nga vendi i dytë i grupit.