Policia britanike: Asnjë eksploziv në furgonat pranë RAF Fairford — u sekuestrua vetëm benzinë

Policia kundër-terrorizmit në Britani ka zbuluar se asnjë pajisje shpërthyese nuk u gjet në hetimin e dyshimit për një komplot kundër bazës ajrore Fairford, siç njofton Al Jazeera. Sipas autoriteteve, nga automjetet në vendin e ngjarjes u sekuestrua vetëm një sasi benzine.

Zbulimi vjen dy ditë pasi policia britanike liroi të hënën me kusht pesë personat e arrestuar për dyshimin e një komploti sulmi ndaj bazës — një prej pikave kyçe që forcat e Shteteve të Bashkuara e kanë përdorur për sulme ndaj Iranit.

Hetimi kishte ngritur alarmin në të dy anët e Atlantikut, me sekretarin amerikan të Shtetit, Marco Rubio, që kishte deklaruar javën e kaluar se pas komplotit dyshohej një “aktor i huaj”. Policia britanike, nga ana e saj, ka zbutur tonin, duke mbrojtur vendimin për lirimin me kusht të të dyshuarve.

Ndonëse nuk u gjetën eksplozivë, hetimi vazhdon dhe autoritetet nuk kanë përjashtuar ende asnjë pistë për motivin dhe lidhjet e mundshme të ngjarjes.