Presidenti Bujar Nishani për vizitë zyrtare në Bullgari

Marrëdhëniet dypalëshe bullgaro-shqiptare janë tradicionalisht të mira dhe të bazuara mbi themelet e forta të miqësisë, bashkëpunimit dhe partneritetit të besueshëm. Këtë e tha Presidenti Rosen Plevneliev gjatë kohës së konferencës të përbashkët për shtyp me Presidentin e Shqipërisë Bujar Nishani i cili është për vizitë dyditore zyrtare në Bullgari. Sipas fjalëve të Presidentit Plevneliev distanca mes Bullgarisë dhe Shqipërisë është vetëm 300 km, kurse natyra e bukur, njerëzit zemërhapur dhe dëshira e dy vendeve të bashkëpunojnë për të ardhmen e përbashkët evropiane e demokratike të regjionit, i lidhin dhe motivojnë krerët e shteteve të veprojnë bashkërisht. Si burrë shteti, detyra jona është të thellojmë bashkëpunimin dhe së bashku të punojmë për heqjen, por jo për lëvizjen e kufijve të Ballkanit, shtoi Presidenti Plevneliev.