Presidenti i FIA-s do të ndihmojë Honda-n për të evituar tërheqjen e Alonso-s nga Formula 1

Fernando Alonso u pyet nga “Mediaset” për të ardhmen e tij, por me shumë takt shmangu të përgjigjej.

“Varet nga mënyra se si ndihem, udhëtimet e përfshira dhe projektet e tjera sportive që kam në mendje që dua të ndjek. Do ta shohim…”, tha piloti spanjoll.

Në pistë, projekti i tij aktual me Aston Martin mbetet në një situatë të pasigurt. Përmirësimet e shasisë janë premtuese në drejtimin që kanë marrë, por përmirësimet e motorit janë të vogla. Në këtë situatë Alonso nuk mendon dot për arritje të mëdha.

Edhe pse Alonso ka thënë se performanca në pistë nuk do të jetë vendimtare në vendimin që do të marrë për të ardhmen të gjithë mendojnë të kundërtën.

“Do të ketë një hap në drejtimin e duhur dhe unë ende shpresoj të shoh më shumë ndryshime”, shpjegoi piloti.

Në këtë drejtim u shpreh edhe Presidenti i FIA-s, Mohammed Ben Sulayem, në New Economy Forum. “Nuk mund ta përballojmë largimin e tij për shkak të rrethanave. Jam takuar me Laërence Stroll, do të bëj ndryshime dhe do të flas me Fernando Alonson për të provuar t’i ndryshoj mendjen (nëse ai dëshiron të largohet)”, deklaroi ai.