Projektet për Shqipërinë dhe Kosovën në Ministerialin e Energjisë e Gazit, në Rumani

Përfaqësues nga Shqipëria dhe Kosova po marrin pjesë në Ministerialin e Vendeve të Evropës Qendrore dhe Juglindore lidhur me Energjinë dhe Rrjetëzimin e Gazit (CESEC), që po zhvillon punimet në Bukuresht të Rumanisë në datat 27-29 Shtator 2017.

Delegacionet u kryesuan për palën shqiptare nga Drejtori i Kabinetit të Ministrit të Infrastrukturës dhe Energjisë, Ardit Kamberi dhe atë kosovare, nga Ministri i Zhvillimit Ekonomik, Valdrin Lluka.

“Në këtë Konferencë të nivelit të lartë, pala shqiptare theksoi rëndësinë e projekteve të interkonjeksionit të gazit IAP dhe ALCOGAP (Shqipëri – Kosovë), si dhe të vënies në funksion të linjës së interkonjeksionit 400 KW Shqipëri-Kosovë”, thuhet në një njoftim të Ambasadës Shqiptare në Bukuresht.