Rama komenton përplasjen te “Petro Nini”: Nuk kemi fuqi mbi vendimet e Gjykatave

Përplasjet me dhunë mes banorëve të një shtëpie në Tiranë dhe Përmbarimit kanë marrë vëmendjen e Kryeministrit Rama.

Ky i fundit shkruan në Twitter se qeveria nuk ka asnjë fuqi mbi vendimet e gjykatave. Shefi i ekzekutivit shprehet se Policia ka detyrim t’i përgjigjet Përmbarimit në rastet e ekzekutimit të vendimeve.

Ndërkohë, sipas Ramës, mediat që i i cilëson si ‘kazan’ i kanë përzierë çështjet pa lidhje me njëra-tjetrën.

“Të trishtueshme pamjet nga rruga e shtëpisë ku kërkohet ekzekutimi i një vendimi gjyqi të formës së prerë. Por e trishtueshme edhe se si Kazani i përzien gjërat pa lidhje!Qeveria s’ka asnjë fuqi mbi vendimet e gjykatave dhe policia e ka detyrim ligjor t’i përgjigjet Përmbarimit” – shkruan Edi Rama në Twitter.