Samiti i NATO-s/ Rama dhe bashkëshortja mbërrijnë në Ankara, priten në darkën zyrtare të presidentit Erdogan

Kryeministri Edi Rama, i shoqëruar nga bashkëshortja e tij, Linda Rama, mori pjesë në darkën zyrtare të shtruar nga presidenti i Turqisë, Recep Tayyip Erdoğan, në Pallatin Presidencial në Ankara.

Çifti presidencial turk, Recep Tayyip Erdoğan dhe Emine Erdoğan, kryeministrin Rama dhe zonjën Linda Rama.

Darka shënon fillimin e aktiviteteve të nivelit të lartë të samitit dy-ditor (7-8 korrik), ku marrin pjesë krerët e shteteve dhe qeverive të 32 vendeve anëtare të Aleancës së Atlantikut të Veriut.

Gjatë qëndrimit në Ankara, kryeministri Rama pritet të zhvillojë takime bilaterale me liderë të tjerë të vendeve aleate.

Ai do të takohet me sekretarin e Përgjithshëm të NATO-s, Mark Rutte, si dhe me presidentin Erdoğan.

Gjithashtu, kryeministri Rama do të marrë pjesë në sesionin e liderëve të vendeve anëtare të Aleancës.

Samiti i Ankarasë është samiti i 36-të i NATO-s dhe hera e dytë që Turqia e organizon pas vitit 2004 në Stamboll.

Ky samit synon të rishikojë progresin e bërë që nga Samiti i Hagës 2025 dhe të vendosë një hartë për objektivat kryesore të Aleancës: forcimin e mbrojtjes kolektive, rritjen e shpenzimeve për mbrojtje, mbështetjen për Ukrainën dhe zhvillimin e industrisë së mbrojtjes transatlantike

Gjatë samitit, kryeministri Rama pritet të zhvillojë takime bilaterale me Sekretarin e Përgjithshëm të NATO-s, Mark Rutte, si dhe me presidentin Erdoğan.

Gjithashtu, kryeministri Rama do të marrë pjesë në sesionin e liderëve të vendeve anëtare të Aleancës, ku pritet të diskutohen çështje si ajo e shpenzimeve në fushën e mbrojtjes, siguria në krahun jugor të NATO-s, situata në Ballkan dhe sfida të tjera gjeopolitike.