SDT formon lëndë për blerjen e ndërtesës së rrënuar të JRB-së në Budvë — Jovanoviq: “Jemi plotësisht të qetë, gjithçka ishte e ligjshme”

Prokuroria Speciale e Shtetit (SDT) ka formuar lëndë dhe ka hapur hetim për blerjen e ndërtesës së rrënuar të ish-Jugosllavenskog Rečnog Brodarstva (JRB) pranë Qytetit të Vjetër të Budvës, objekt për të cilin Komuna e Budvës pagoi 7,1 milionë euro.

Sipas mediave malazeze, lënda është formuar më 5 qershor, mbi bazën e kallëzimit penal të depozituar nga lideri i “Lëvizjes për qytetin”, Gjorgje Zenoviq, dhe ndodhet në punë te prokurorja Ana Peroviq Vojinoviq. Deri më tani prokuroria nuk ka dhënë detaje për ecurinë e hetimit.

Kryetari i Komunës së Budvës, Nikolla Jovanoviq, reagoi ndaj lajmit duke thënë se janë “plotësisht të qetë”, pasi çmimi i ndërtesës, sipas tij, nuk është përcaktuar me marrëveshje, por në procedurë gjyqësore para Gjykatës Ekonomike. Shitja, thekson ai, është realizuar përmes gjykatës, pas një shpalljeje publike, ndaj gjithçka ishte e ligjshme.

Zenoviq, nga ana tjetër, pretendon se komuna ka paguar 8.776,50 euro për metër katror për një objekt prej 815 metrash katrorë, të ndërtuar rreth 90 vjet më parë, të rrënuar dhe praktikisht të papërdorshëm. Sipas tij, kjo blerje i ka shkaktuar dëm shumëmilionësh buxhetit të qytetit.

Burimi: Vijesti