SHBA – Dhoma e Përfaqësuesve miraton buxhet rekord prej 1,15 trilionë dollarësh për mbrojtjen

UASHINGTON, 23 korrik /ATSH-DPA/ –  Dhoma e Përfaqësuesve e Shteteve të Bashkuara të Amerikës miratoi, me një diferencë të ngushtë votash, një projektligj që hap rrugën për një rritje historike të shpenzimeve ushtarake.

Projektligji autorizon një paketë financimi për mbrojtjen me vlerë rekord prej 1,15 trilionë dollarësh për vitin fiskal 2027.

Për krahasim, buxheti i mbrojtjes për vitin fiskal 2026 është rreth 900 miliardë dollarë.

Paketa përfshin një rritje page prej 5% deri në 7% për personelin ushtarak, zgjerimin e numrit të trupave aktive, si edhe një propozim për ndryshimin e emrit të Departamentit të Mbrojtjes në Departamentin e Luftës.

Projektligji u miratua me 216 vota pro dhe 212 kundër.

Tashmë ai do t’i kalojë Senatit për shqyrtim dhe votim.

Nëse miratohet edhe atje, do t’i dërgohet presidentit amerikan Donald Trump për nënshkrim.

Në fillim të këtij viti, Trump kishte njoftuar se administrata e tij synonte një rritje të konsiderueshme të shpenzimeve për mbrojtjen, duke e cilësuar forcimin e kapaciteteve ushtarake si një nga prioritetet kryesore të mandatit të tij./  /Ad.Ab./ a.jor.